Lush狂迷

上年聖誕節時候到lush瘋狂購物，買了五千多元，對一個從來未用過lush的人黎講，真係幾痴線！但係以差不多七折價錢就可以將三份一個counter搬回家，又覺得幾抵喎！

其實lush在香港發售應該有接近十年，但以前行過佢d店都會急急腳走開，因為d味太濃烈喇！但係自從呢一兩年習慣左經常check住@cosme網站之後，發現lush在日本原來好受歡迎，有好多產品都榜上有名，日本妹扮靚護膚心得不嬲好信得過，再加上好奇心推使，我就一口氣搬左呢堆野返屋企！
宜家呢堆野我估用左三份一左右咋！有部份仲送左畀朋友同阿媽用，用得最快當然係d浸浴用品，例如bubble bath, bath ballistic, bath melt呢d，雖然我多數都唔捨得一次過用一舊黎浸浴，要分兩次用，但都用得七七八八，原本十幾廿舊宜家用剩四五舊喇，好鬼開心。覺得可以推介下當中某d產品，有d令人心曠神怡、有d普普通通、有d則不討喜。

至於soap，仲有好多未開黎用呀~~唉雖然我已經係咁用，又迫我男友一齊用，但都係用得好慢，都唔知點解，d人明明話d soap溶得好快，但呢個情況並無出現係我d soap到囉！不過佢地d soap都好好用，又好香，有d未用但放埋一邊可以當香氛添。so far我用左接近十隻，以後有機會我會逐舊講下。

仲有係洗髮護髮產品，呢個就比較令我失望，但我男友就用得幾好，遲d都會介紹下。另外係skincare，洗面用過一隻，覺得超正，但家中太多洗面，所以...有緣既話我地先再會啦。toner同cream少用，lipbalm用過幾次覺得唔係好潤，scrub同mask呢類就覺得非常好用，一定會介紹。

仲有d按摩bar，香水膏等等真係好多野可以寫，諗起都覺得好大工程，哈哈！