MENARD靈芝烏龍茶

在生日月時收到menard寄來的coupon，就是那些買滿2000減500之類的，有一兩張，除了買下embellir靈芝系列的洗面膏及cream外，為了湊數也買了一盒靈芝烏龍茶，好像二百零三百蚊左右，有75包，以menard的產品來說是很抵的。

咁到底好唔好飲呢？ 答案係飲完我一定會再買！！先講味覺上，杯茶沖出黎好香，隻烏龍茶當然唔會寄望佢本身係勁野黎，但絕對唔係差，好香濃，不過就唔耐沖，大概第三泡已經無乜味喇，說明書上無寫沖泡時間亦無寫水溫，我諗唔駛太講究既，所以我都係100度水溫就沖，等一陣間就飲。今日瞓醒覺得傷風，猛打乞痴，頂唔順就沖黎飲，結果真係好返少少，乞痴都停左，鼻水都無流得咁勁，呢種效果唔止一次，之前有時覺得頭暈身熱作病都沖黎飲，又係好似為身體�甼�左抵抗力既感覺，從實際角度去考慮，呢隻茶都係飲得過。

茶味黎講飲唔出有靈芝既藥味，我估d靈芝係佢地用黎整護膚品剩低果d來的，估架咋，但menard係用自家種植既靈芝，應該唔會係渣嘢黎既！

畀左幾包阿媽飲，佢都覺得幾好味，等佢飲完再分多d畀佢，快d飲完再買盒新既！