la maison du chocolat

話說前幾日朝早突然門鈴響，開門見到有個妹妹仔拎仔幾個noesa紙袋話noesa送野呀，我記得明明無訂過野，佢話係送的。打開來看袋中有袋...

noesa真識做生意，無啦啦都送d野畀客，等你記得佢~~送黎既係送沖朱古力飲既粒粒，不過我未飲，只係佢搞到我好想去la maison睇下。
尋晚於是去左pp新開既la maison du chocolat搞搞震不過有幫襯，買左一盒230g total28粒既朱古力食,

serve我既姐姐都幾好態度，店入面有兩女一男員工,個男既係高級d既,我一入去就係問佢盒朱古力係點沖黎飲,佢都有講解我知.當時店入面都有兩三個客人，都有人買野.
櫃檯有兩邊,一邊就係普通既praline類朱古力，有廿幾卅種，另一邊係貴d既truffles，一黎諗住試左平野先，所以我揀praline，不過新店開張，full catalogue話派哂，只係畀左張細卡仔我，不過上網都可以睇下d款式，唔係食左入口都唔知係乜味。
link
尋晚由於230g個盒仔裝唔落28粒，於是將粒rocher lait同faust分開裝,所以我一行出間店就同齋主一人一粒分左佢，佢好coffee所以畀左粒faust佢,我粒果仁牛奶朱古力好香口,食果下真係覺得係享受！
店員會畀一個保溫袋同冰包裝住d朱古力，我地行左成晚加上今日先打開袋朱古力，都無乜溶，朱古力真係放入雪櫃無咁好味,最好放在14-18度左右,但hk咁熱點得丫,希望我地換果個酒櫃快d黎,以後可以放埋朱古力入去添~~~