07年底東京之旅---day 2

第二日既凌晨,就係不斷出入酒店廁所中渡過....

由於我去親旅行都有便秘既習慣,所以今次一黎就買左盒奶諗住有得屙下,但我竟然將出發前一日屙四次呢件事掉以輕心,於是自己一個飲左大半盒奶之後,就瀉足兩日...

原本第二日既行程係去築地然後去銀座,但係屙成咁唯有改地方,於是第二日屙剩半條命既我一早出左去涉谷,諗住轉車去代官山,不過jeff話太早行下涉谷先喎. 一早十點幾去到涉谷,全世界趕返工,大部份店都未開門,完全無野好做,我亦食唔落早餐,jeff唯有去starbucks買左杯咖啡飲,行行下見到loft開左門,咁就入去睇啦,一入去就急廁所,講起就尷尬,日本既馬桶比較先進,除左有保溫洗patpat呢d基本功能外,有d仲有個"音姬"既制,之前jeff話係播d流水聲等人去得順暢d,原來成件事根本唔係咁.

(以下有核突內容)
話說我一坐低就屙奶啦,ok咁臭之餘同時亦發出一d聲音,呢個時間有人入左去對面廁格,但我控制唔到d聲音,心諗反正對面條友都唔會見到我,雖然心入面都有少少唔好意思但都話之佢,點之佢一坐低呢,就發出強勁既沖廁聲,到佢真係小解完就有真正既沖廁聲,原來那個音姬就係用黎蓋過自己去廁所既聲音而設既.....唔知對面位小姐係想教精我定自己真係有需要,總知就多謝指教啦!!!(之後果兩日我就成日要阿音姬幫手)

去完廁所再行左一陣loft就真係轉車去代官山,我地行左八月時無行既另一邊,不過由於唔舒服,加上d店唔係名牌就係太精緻,亦即係都貴,所以都係走馬看花,行過一間另類d既cd鋪,
之後好似買左少少飾物,突然又覺得想去廁所,但代官山要搵個廁所唔係咁易,又無百貨公司商場呢d,唯有走左去代官山公園個公廁,就係我成個日本之旅所見最核突既廁所...無計都要去啦.

走左去下妻物語有取景既mr friendly cafe食下野,叫左一件件mr friendly樣既hot cake食,
叫左杯soda,雖然都係普通野,但間野好relax,好暖,我地坐得好舒服,我幫襯買左件tee,jeff就買左個杯做禮物送畀人



代官山係一個好悠�僚枝猴�錢人既地方,等我下次有多d彈藥買衫先再黎吧.

2,3點左右我地又返涉谷,今次我完全唔想行mk feel既109,先行一陣睇立雜野既鋪頭啦,即係又係loft呢d,行到攰又食下tea,有間台式茶店,沖d中國茶都幾認真,同埋d cake都ok好味.



之後我又好似去左一次廁所,買左幾件衫,跟住又去牛繁食燒肉.今次覺得無上次新宿果間咁好味咁呢..




食完就返新宿酒店喇,咁又一日