07年底東京之旅---day 1

八月時既東京之旅,有男友寫左遊記,我好懶,宜家我唔駛返工,心情好輕鬆,一於由我動筆・

16號朝早5點幾起身,搭6點幾巴士去機場,超級眼訓,加上返工返到13號,執行李同plan行程(其實無點plan過)都係怱怱忙忙,搞到心情好緊張,其實我a型性格真係好討厭,緊張大師,其實東京真係可以去到先plan,同埋行李,其實無乜真係需要帶呀,去到先買都得,唯一今次係我第一次冬天去日本,所以要帶件羽絨去,好唔方便. 在飛機上我瞓左半程,飛機餐只係食左條腸仔同一個cake,事緣14號晚餐阿媽整沙律,買左好多芒果同吞拿魚魚生,食完第二日個人就無乜胃口,臨出發前仲屙咗4-5次添.其實都有d擔心,後來證明真係出事.

在機上睇左套closer,好悶好cliche,點睇natalie portman都係無細個時咁靚,同埋jude law好老好殘...

到左日本係當地時間2點,我地今次會住兩晚新宿京王酒店,目的地係新宿,所以揀搭narita express直去,我地買左個連兩日metro pass既套票,搭左個零鐘就到新宿喇,在車站就感受到5,6度既寒氣~~~

京王在新宿站西口,行過去都要15-20分鐘,唔算十分方便,但間房當然大好多.

擺低野就出去行街,jeff行紀伊國屋,我去隔離隔離既伊勢丹,雖然我都好想可以上去睇衫,但d衫都明知買唔起,同埋距離關門時間唔係好耐,我都係進攻地下化妝品部算,最失敗唔記得拎埋"美的"送果本coupon去換sample,雖然可能大部份都派完,一入去伊勢丹人多到爆,全部d首飾counters都迫爆女人,佢地真係咁有米呀？

經過suqqu,見到eye shadow palette實物,反而唔想買,直行直過到左cosme decorte,想買magie deco既聖誕set,可惜sold out左,anyway買左佢一個eyeshadow palette同一個類似bdk eye fantasist既東東,

要多支whitelogist spot concentrate,八卦問下佢最新個cream,無諗住買,因為香港遲d應該有,係既話會抵過日本買,點知ba話宜家買個cream會送一set 4件既aq基本野sample,再加一個face powder meliority既細版...由於個碎粉太吸引,加上醒起自己無帶碎粉,所以就決定買個cream,
除此之外又畀我見到catalogue上面有個wrinklelogist既neck serum,香港又無既,又買埋...結果駛左好多錢添...個cream好貴呀...


轉個彎望下givenchy,香港無果支粉紅diamond lipgloss,無乜特別,個甲油都係,仲有係兩格眼影兩格lipgloss果palette,不知為何拎上手唔吸引,又放返低.

終於到左est,同佢買左兩支按摩,一早一晚用,加埋上次買果支美白,咁就有齊佢3支按摩products喇.

ba姐姐幫我試上手果陣都好細心,同埋一輪咀勁講,可能始終係講美容野,大部份我都知佢講緊乜.再問佢新出既妝品,結果就買左個三色blush,

一個眼影palette
同埋果個四格highlight palette,我當時無化任何彩妝,ba就幫我用左所個highlight同blush,

個人立即精神左好多.

會合jeff去食野,佢買左個coffee dripper同一本講水草既書,我地唔知食�弭�,想去牛角,jeff無記清楚個地址,只係記得在歌舞妓町附近個劇場同麥記隔離,好彩終於畀我地搵到,上次未食過牛角,今次上左去食,本來店員話要等半粒鐘,突然有人埋單先有位,間野好細,無獨立位,我地坐一張大枱,對面有對情侶,面前依舊係炭爐一個,我地又係點左牛舌牛肋骨沙律呢d例牌嘢,覺得d肉比較多筋,有d失望,反而係個石窩飯幾好味,埋單5千幾yen,雖然抵但無牛繁咁好食.


食完返酒店,途經sunkus我入去幫小虎買左化妝惑星三支eyeliners,買左盒那須山牛奶諗住可以去下廁所,點知就出事....